كل سنة وأنتوا طيبين :] مجاورة السنة دي هتشارك وتحتفل برمضان بطريقة مختلفة وجديدة. إحنا السنة دي هنعمل معرض خيري هنعرض فيه كل حاجتنا اللي احنا مش بنستخدمها علشان غيرنا يستفيد بيها ويستخدمها. حاجتنا دي ممكن تكون هدوم صغرت علينا، أدوات بطلنا نستخدمها ... إلخ، أي حاجة موجودة عندنا في البيت حالتها كويسة وشايلينها وكل مرة بنشوفها بنقول "أنا أكيد هحتاجها أو هستعملها ... بس مش عارفة أمتى؟!" المعرض هيكون فيه كل الحاجات دي معروضة بأسعار رمزية جداً لأهالي منطقة الخليفة. كل الإيرادات الواردة من المعرض هتروح لتنظيم نشاطات معسكر الخليفة الصيفي 6، مدرسة التراث الصيفية المجانية لأطفال منطقة الخليفة، اللي الأطفال بتتعلم فيها بطريقة تفاعلية مهارات جديدة وبتكتسب معلومات جديدة. لكل الناس المهتمة بأنها تتبرع للمعرض ممكن تتواصلوا معنا على صفحتنا على الفيس بوك أو الإيميل Info@megawra.com أو على رقم تليفون 01012802884 - 25063990 آخر ميعاد لجمع التبرعات: 3 يونيه 2018 (علشان نلحق نوضب التبرعات). مكان المعرض: مركز الخليفة الخدمي (مجاورة الخليفة) وسيكون المعرض أثناء حفل الإفطار الجماعي لأطفال الخليفة. لو عايز تعرف أكثر عن معسكر الخليفة الصيفي: http://atharlina.com/ar/projects/khalifa-heritage-school/