تخيل نفسك بقيت طائر ليوم واحد، وعندك فرصة تطير فوق منطقة الخليقة وتشوف شوارعها من فوق، متحمس تنزل تتمشى معانا وتتعرف عليها أكتر؟ سجل في الجولة لأطفالك وشاركونا رحلة البحث عن الكنز في شارع الخليفة، واستعدوا لاكتشاف التاريخ الخفي لشارع الخليفة! في الجولة هنشجع الأطفال على استكشاف المنطقة من خلال مجموعة متنوعة من الأنشطة، وهنفتحلهم فرصة للتعلم من خلال ملاحظة آثار المنطقة وأنشطة الحياة اليومية فيها، بجانب مجموعة من الأنشطة اللفنية اللي هتحفز ابداعهم من خلال رسم وتلوين عناصر المنطقة المميزة، ده بالإضافة لمجموعة من الأنشطة اللي هتشجعهم على التفاعل مع المنطقة وسكانها. كل ده وأكتر هيتعلموه وهما بيتمشوا في وسط شوارع الخليفة في جولة تفاعلية للعائلات! وعشان مينسوش التجربة المميزة دي، هتشمل الجولة نشاط مجمع لتلوين المعالم والأماكن اللي زاروها في رحلتهم، وكمان هيشاركوا في نشاط حكي، عشان ياخدوا معاهم رسمة لونوها وحكايات كتير سمعوها واتعلموها!