رمضان قرب :) كل سنة وأنتم طيبين فاكرين زينة رمضان ولمتنا واحنا بنحضرها ونعلقها احتفالاً بأجمل شهور السنة مبادرة الأثر لنا تدعوكم لورشة زينة رمضان يوم السبت 12 مايو علشان نرجع لمة أيام زمان مع بعض وتبسطوا اطفالكم وكمان تشاركوهم ذكرياتكم الجميلة. مبادرة الأثر لنا تعمل بالخليفة منذ عام 2012 على ترميم المباني التاريخية وإعادة تأهيلها و تعليم التراث والتوعية به ونشاطات تنموية مع الأهالي ومنهم السيدات والأطفال واللي هيكونوا جزء أصيل من الورشة، هنعمل الزينة معاهم وهنعلقها في حي الخليفة علشان نبسط الناس ونعيد احياء نمط من أهم أنماط الإحتفال اللي كانت ومازالت بتحصل في الخليفة قبل رمضان. اليوم هيكون من الساعة 2 ظهراً لغاية الساعة 7 مساءاً وهنعمل أكتر من نوع للزينة تتناسب مع الاعمار والأذواق المختلفة للموجودين، ممكن كمان تاخدوا نماذج من الزينة وانتم مروحين. أكيد هنكون سعداء لو قررتم تشاركونا مع أهالي الخليفة فرحة اليوم ده   *الورشة بمشاركة السفارة الأمريكية بالقاهرة